中秋節

2006年10月6日呢日係中秋節, 媽咪佢一早就係"狗狗點"度訂左個狗隻月餅比我食. 你地睇下我個月餅係咪好正呢~ 呢個月餅係南瓜味黎架媽咪話食南瓜對我好有益架bor. 不過我就覺得媽咪買咩比我食都係有益架啦. 雖然呢晚媽咪同daddy冇同我去街街玩(p.s. 因為7號daddy返早)但係我都覺得自己好幸福好開心. 因為......成個月餅比我自己一個食晒 yummy yummy~ 我有呢個媽咪係我黃小mui既榮幸

開開心心又到40個月大lu~

我黃小mui開開心心玩玩訓下又成40個月大lu~ 時間真係過得好快我真係好開心有個咁錫我既媽咪. 你地大家睇下我呢幅相係咪影得我好開心呢~ 媽咪成日話我笑得好甜唔知你地又覺唔覺得呢??? 呢個媽咪我真係比佢激死佢唔知係邊度學埋人地d野返黎攪到我個頭.......唉? 不過我聽佢講好似話係可以保護我d毛毛架bor, 但係我又唔like呢張咁既紙扎住我把又長又靚既頭髮. um....點都好啦我都會乖乖比媽咪幫我整既最多佢整好之後我用手抓散佢之麻 hehehe

涼板既muimui

唔經唔覺又黎到好熱既夏天喇, 原來muimui佢都38個月大lu~ 係呢個熱辣辣既夏天好在媽咪一早就為我預備左呢塊涼板喇媽咪真抵錫~ 我真係好like呢塊板架就連媽咪想我分少少比佢坐都唔得因為我怕媽咪坐到熱晒. 有日daddy同媽咪睇鏗鏘集話d大陸人一年先搵果幾百元, 仲有d要執垃圾先可以搵多幾十元, 跟住佢望住我塊板就話muimui你睇下幾幸福, 因為呢塊板成幾百元我就咁就用黎訓, 人地想用少少$$$黎食飯就冇. 跟住我就心諗媽咪真係好錫我架佢咩都買比我等我可以住得好用得好~ 所以我成日都覺得自己係一個好幸福既孩子哩~

同左d朋友仔去樹win明

2006年7月9日星期日, 媽咪本來一早就想帶我去樹win明點知我地一早起身就落大雨. 本來我好開心一早就走左入袋袋度諗住可以早d起行, 點知媽咪一見落雨就即刻叫我返出黎~ 我心諗死啦會唔會今日冇得出街街架, 好在天公做美過一陣就好天喇~ 咁媽咪就叫佢再一次入袋袋出發lu~ 我一去到pet world就第一時間入左office度同polly姐姐say hello先之後媽咪就同我報名樹win明喇~ 嘩....你地都唔知呀pet world果度差唔多個個姐姐都識我架, 所以媽咪由得我周圍跑, 我跑左一陣四少同keke就到喇. 跟住我地就去左泳池度樹win明, keke姐姐佢需然少少驚水, 不過佢都好叻叻. 四少佢仲叻可以唔洗用救生衣游, 之後我就同四少比賽樹win明~ 你地可以睇下上面段片, 果日我地3個都玩得好開心~

剪毛前後既小mui

2006年6月23日星期5, 今日媽咪放假所以佢一早就約好pet shop同我剪毛毛. 早上同媽咪食過食過早餐後媽咪就帶我搭車去剪毛毛喇~ 去到pet shop媽咪就即刻將我交比寵物美容既哥哥喇, 跟住媽咪就同哥哥講下我既新look.  媽咪話想我夏天過得涼爽d所以叫哥哥幫我個頭剪左個baby look, 你地睇下我個樣係咪好baby呢???

端午節

2006 年5月31日端午節媽咪同daddy一早就帶埋我返左去屯門度過節喇, 你地睇下我個樣係咪好似好熱咁呢?? 講真丫果日又真係幾熱架不過都好開心, 因為去到屯門有好多人同我玩. 你地睇下我頭上個包包仔, 呢個包包仔係媽咪第一次幫我扎架都幾扎得幾好丫呵~ 果日我同媽咪daddy玩到成11:00先返屋企, 返到屋企媽咪第一時間幫我抹下手仔腳仔之後我就訓左lu~

eva home

2006年5月28日今日媽咪帶左我去eva度玩呀, 你地贂下上面果張相幾攪笑有3個大pat pat仲有一個大頭狗 呵呵~ 果日我好開心因為識到四少, 欣欣, 叮叮, vicky, suki, 忌廉, 鮮奶, 大頭, yan yan, iris, jo. 嘩果日我eva仲整左好多野食比媽咪佢地食, 係度真係多謝eva你地班美食團. 仲有eva姨姨仲請左媽咪佢地出去露天茶座high tea添真係多謝晒,. 我同媽咪玩到大約6點到就call車同欣欣, vicky, 叮叮同四少走喇~ 大約7點到啦我地就返到屋企喇點知媽咪佢第一站竟然放左我係pet hsop洗白白bor, 都好既起碼媽媽可以返去執好間屋等我舒舒服服, 大約8點到媽咪就接我返去喇. 嘩....我一返到去就........成隻死豬咁訓lu~

腸胃炎muimui

2006 年5月5日零晨我如常同施家竇的朋友在吹水區吹水, 大約在零晨3時許我發現muimui佢肚瀉仲屙血添, 之後我便問kk怎麼辦, 幸好當晚吹水區走剩了kk呢個夜鬼如果唔係我都唔知點算好. kk佢好好人一路安慰我而且佢仲幫我搵埋急診既電話, 不過我最後都冇打到去. 大約零晨四時我實在撐不了便和muimui一起睡, 唉.....muimui佢成晚同我都睡得不好, 直到早上8時許mui爸回來看見便大叫我起床. 我起床一看嘩...整個厠所都是一片血, 而muimui佢就非常沒精打彩躺在sofa上, 我和muimui在9時多便可開等待vet開門, 我們大約十時左右便到達vet門口等, 登記了後我便和muimui一起走進了診証室, 之後我便和vet講了muimui的事情. 跟住我們便在等侯拎藥, 等了一會護士便叫名拎藥嘩...三包藥丸呀小姐多謝你$320元. 跟住我便和muimui返家, 一返到屋企就比左第一次藥佢食, 食完藥muimui佢就一直訓到夜晚先起身, `好彩止到屙咋, 之後果幾日食藥好似大仗咁唉...最終攪到而家d毛毛變左黃色激死. 不過過左幾日muimui冇事, 事發果日我真係幾驚呀好在有kk咋, 係呢度真係要多謝kk陪左我成晚

muimui上左貓犬呀

2006 年4月15日muimui同一大班西施朋友仔一齊去左貓犬度影雜誌相呀, 嘩....你地大家睇下佢地1個2個係咪好可爰呢~~ 同muimui影完相後我就同muimui去左屯門食飯喇, muimui佢不知幾開心可以玩足一日. 但係呢隻豬仔佢一返到屋企咩都唔理就叭低訓覺豬lu

36個月既生日會

2006年4月9日又係我家既小mui生日既大日子, 你地睇下上面果盆甘筍螺絲粉加2個薯波球, 呢個就係我既生日大餐喇. 今日媽咪一早就帶左我去pet world度玩佢話因為今日係我生日bor. 媽咪幫我扮靚靚就去pet world玩, 玩完之後媽咪叔到黎就整左呢個大餐比我食喇 yummy~~~~ 而下面果d就係我今年既生日禮物喇你地睇下我今年有幾多生日禮物, 我希望出年要再多d(hehe我呢個貪心既muimui)

35個月大比媽咪剪短晒我d毛毛既muimui

嘩......時間真係過得太快唔經唔覺我小mui又35個月大lu~你地大家睇下我呢張相係咪好正呢, 呢張相係媽咪搵野食引我影架, 媽咪要我用2隻後腳企黎行去佢度拎野食. 你地知架啦我小mui咁為食媽咪叫做咩都冇問題, 所以媽咪就即刻拎起個dc幫我拍低呢張咁攪笑既相喇

34個月大新年到

恭喜發財, 今日係大年初一媽咪帶左我返去麻麻屋企度拜年. 你地大家睇下我幾有新年feel個頭同年衫都係紅色架. 不過仲有樣話比你地知既就係媽咪佢仲比個利是袋我揹住, 雖然入面只有我媽咪比我封利是不過我都覺得好開心. 因為媽咪佢封利是好大封架, 媽咪仲話呢封利是佢會幫我儲起留番第時有不時支需用架bor. 我都覺得媽咪講得啱.

33個月想訓係棉被入面既小mui

嘩.............33 個月既時侯原來係一個好凍既冬天. muimui佢梗係唔蝕底啦成日走左上我daddy同媽咪鋪床上面. 因為....果度有daddy同媽咪既溫暖同愛護. 你地睇下muimui佢幾衰竟然霸左佢亞媽我既枕頭訓. 唉.....做人亞媽真慘慘只可以同muimui分享個枕頭