西頁獅子會自然教育中心

2003年12月7日, 今日媽咪帶左我去西頁獅子會自然教育中心度玩呀. 果日本來媽咪話唔帶我去架, 因為我...我...黎m呀~ 媽咪話bor驚我發情期會引埋好多狂蜂浪蝶, 不過最後媽咪買左條衛生褲比我果日著. 果日天氣好好, 攪手nora佢一大清早就致電比媽咪佢話有車黎接我地, 咁媽咪就即刻同我扮靚靚等nora黎接我地喇. nora大約11:00黎接我地, 嘩......第一次見eagle仔佢好可愛呀~ 細細粒既西施仔, 之後nora就去接埋紀漩, 迪迪同小玉喇~ yeah我地出發lu~ 大約12:00我地到達目的地, 之後nora既bf就將一早預備好既食物拎出黎, 媽咪佢就搵張台放好晒d野食, 有咖喱魚旦, 魷魚, 雞翼, 牛展, 沙律同蛋糕等~ 多謝nora你送比我地既蛋糕. 之後我地就同生日既狗主同狗仔影合照喇, 之後我地大定就開始食野喇, 不過我地就慘慘啦, 一d都冇份食 ~>.<~ 哈...差d唔記得講下果日有d咩人同狗添. 果日既靚主人有 zu, linda, 紀漩, taurus, 雯雯, nora, nora男友, linda老公, linda fd x 2, zu fd x2, 最後仲有我媽咪. 而靚狗就有比比, chino, eagle, bobby, 迪迪, muimui, yuki, bebe, chubby, 亞bee, 小玉同亞me.  上面果張相係我地5小福既合照, 待等我介紹一下由左至右首先係我muimui, 跟住 yuki, eagle, 迪迪同bobby.

 

屯門市鎮公園

2003年11月29日, 媽咪佢星期六一放工就帶左我入屯門市鎮公園度玩呀, 果日我地仲約左亞bee同亞bee媽一齊去玩添~你地睇下我同亞bee係咪好襯呢, 大家一齊伸晒條利仔出黎. 唔講你地唔知呀原來屯門公園唔比狗入架, 但係唔知點解我同亞bee入左去玩左一日都冇比人趕出黎bor真係好彩lu~~ 我果日玩得好開心呀, 仲有一件大事就係.....我muimui果日大過女喇, 臨走前媽咪仲去左聯達行度買左條女仔衛生褲我著添~

 

7個月大既muimui

2003年11月14日, 不經不覺我已經7個月大了, 媽咪佢專登係沙田顯徑既狗狗點度買左張新床比我呀. 你地大家睇下我張新床係咪好正呢, 仲有呀媽咪仲去左銅鑼灣既jusco買左個月亮公仔比我玩添, 你地睇下我玩得幾開心~ 嘩...我黃小mui真係覺得好幸福呀有個咁鍚我既媽咪佢係我一生既至愛. muimui話 : 媽咪 I Love You~

SAA鬼馬化妝嘉年華

2003年11月2日, 今日媽咪帶左我去屯門龍鼓灘參加左SAA之鬼馬化妝嘉年華, 你地大家睇下我似唔似一個小天使呢~ 雖然我參加左比賽但係.....得唔到獎不過我都冇灰心, 因為媽咪佢話攞唔攞獎唔係咁重要, 最重要係參與既過程bor~ 果日我媽咪佢地仲bbq添, 不過就冇我份lu. 果日夜晚我媽咪仲等埋daddy放工之後係屯門度食埋飯先走, 嘩....我玩左一大日玩到成個人都散晒, 第二朝我仲唔想起身送媽咪出門口添^^

寵物綠洲之一日遊

2003年10月19日, 今日媽咪佢地原本想帶我地去番跑馬地既dogma玩架, 點不知dogma佢closed左呀~ 之後媽咪佢地撰左屯門既寵物綠洲作為我地今次既聚會. 原來寵物綠洲尚未開啟對外界用架, 哈哈我地呢班靚仔靚女就咁做左佢地第一班人客喇, 首先我地班靚媽咪佢地開左餐先, 之後我地玩左個賽跑比賽同貪食比賽, 結果muimui佢只係win左賽跑比賽. 最後寵物綠洲仲開放左個泳池比我地樹win明添, 你地大家可以gogogo去相簿度睇下我第一次游水既樣, 最後我地大家仲影左幅大合照添, 你地覺得我地係咪好叻呢隻隻都望鏡頭.

 

6個月大既我

你地大家有冇覺我我有d咩唔同呢, 係咪好似女仔呢~ 呢張相就係媽咪搵d野食引我叭上牆上影架, 佢果時比人睇, 人人都話我呢個post好得意, 嘩.....呢個媽咪都幾叻叻bor, 竟然將一張好平凡既相攪到咁, 抵我錫錫佢既

細細個和朋友仔活動

2003年10月4日星期日天晴, 媽媽帶了我相約了西施友既聚會, 當日聚會的地點是跑馬地dogma, 等我介紹一下當天有份出席既小朋友....亞bee, bebe, yuki, 小玉, 比比, 迪迪, 公主, bobby同muimui我. 而當天出席既靚女就有紀漩, peggie, 雯雯, linda, nora, zu, taurus同埋我媽咪卡路. 嘩果日好開心呀, 我地一行7人首先在早上11:00相約在金鐘地鐵站等侯, 之後我地d靚媽媽就浩浩蕩蕩用個走佬袋咩全我地入去大家樂度醫下個5臟廟, 係大約12:30分我地就一行幾人call van上去dogma度玩喇. 首先第一個節目就係自我介紹喇, 跟住有卡路同紀漩為我地預備既一人一份小禮物, 份禮物我媽咪佢用左好多心機去整一幅全西施既合照放左禮物面上, 而入面呢就係我地好like玩既波波喇, 每人一個永不落空. 果日我玩得好開心呀返到屋企我幾呼全身散晒好在有靚媽咪幫我沖番個靚涼之後我就大覺訓, 果晚返到去我連晚餐都冇食就係咁訓係咁訓.

五個月大就出街wet

2003年9月7日天晴, 今日係媽咪第一次帶我出街街玩呀~ 今日媽咪相約了紀漩和zu出來聚會原因是zu剛從日本回來買了點手信給我和迪迪, 哈哈好多謝zu送比我既頭篩仔同靚靚髮夾, 你地大家睇下當時既我係咪帶點男仔呢~ 不過zu就覺得我好可愛, 我一見zu就即刻係咁鍚係咁鍚好似同佢洗面面咁 哈不過佢好like我呢粒小家伙架佢仲成日捉住我同我玩添~ 果日zu仲請了媽媽同紀漩係dogma度飲左個下午茶, 我同迪迪 yuki果日玩得好開心, 我地仲玩到唔係好捨得走添~ 到左下午5:00到啦我媽媽就揹住我向他們道別, 之後既節目就係返屋企洗白白囉, 我又如常一洗完就即刻訓覺豬, 你地知唔知呀果時我得5個月大咋, 你話玩一日對一個咁細既小朋友黎講係咪好攰先, 所以我次次玩完都訓著左哈哈, 攪到媽媽成日揹住一舊好似石頭咁重既我返屋企

5個月大既黃小mui

下面果幾張相就係muimui佢5個月大既時侯影架, 佢5個月大既時侯仲好似一個毛毛球咁好可愛架@@, muimui佢5個月大既時侯身上仲有3隻色, 但係.........佢而定就剩番隻耳, 辮辮, 同個身有少少色咋~

muimui : 你地睇下我幾百厭, 竟然玩玩下波波都可以走左去

muimui : 5個月大既我就係咁樣食greenies架喇, 媽咪佢話我好叻叻架, 識得慢慢食

muimui : 媽咪佢好衰架, 佢困住我又打開個籠頂, 不過我覺得呢張相影得我幾可愛^^

muimui : 媽咪佢成日話我唔似女仔bor, 唔知你都又覺得係咪呢??

黃小Mui自我介紹

首先等我介紹一下我自己先,我叫muimui呀, 我係2003年4月9日出世架, um.......我有一個好靚靚既媽咪, 仲有一個錫我既daddy添.  呢幾張相就係媽咪啱啱買左部新既dc同我影架, 不過佢地技術就一般啦, 攪到d相有d模模地添, 雖然媽咪d技術差d但係佢都好勤力咁每日都幫我影d生活照架

四個月地毡仔既黃小Mui

2003年8月21日, 果時既我d毛毛既顏色好似咖啡咁架, 唔知你地有冇同感呢~ 媽咪就話佢覺得我小時侯同大左都係一樣咁可愛同咁靚女