2005年12月24日 x'mas party@小欖bbq場

今日我好開心呀, 可以同一大班西施友一齊去左小欖bbq, 今次係我參加活動以來最多西施既一次. muimui佢噙日都玩得好開心, 仲有抽到x'mas gift添~ 不過最叻叻既就係施家竇既alice佢搵到咁多贊助商送禮物比我地. 我地由下午一點玩到五點鐘就散band, 之後媽咪同我搭小巴返屋企, 但係媽咪冇即刻同我返屋企bor, 6:幾到佢走左入去寵物店問個姐姐, 而家沖涼多唔多人呀, 姐姐話而家即刻可以沖架喇, 媽咪佢幾衰即刻放低我比個姐姐bor, 不過媽咪都係為左我好~ 到左7點多d姐姐就打電話叫媽咪接我喇, 個傻豬媽咪幾蠢呀, 佢擔心我驚驚, 所以用左2個字快行去接我, 點知媽咪去到哈哈哈......原來我仲未得, 之後媽咪就帶左我返屋企喇.....到左夜晚因為daddy要返工, 所以得番我同媽絲2個係屋企媽咪佢仲番左x'mas歌比我聽添呀, 我一路聽一路訓zzzzzzzzzzzzz正呀

31個月大尾薦之旅

今日天氣好好, 媽咪同爸b帶左我去大尾薦度玩. 嘩......果度好大架仲有好多狗狗. 果日去到仲有好多人係度踩單車添. 果度仲有個好大既水塘, 你地睇下我身邊果個就係水塘黎架喇. 媽咪佢幾衰呀明知人地怕高佢地偏偏抱我接近霸邊, 不過daddy仲衰佢直頭拖我去到邊邊叫我望落去. 嘩....我果刻個心簡直跳左出黎. 不過後尾媽咪同daddy都冇再迫我去睇喇, 呢幅相係我同媽咪佢地行到好累坐低休息既時侯媽咪影架.

30個月大既muimui

今日我好開心呀, 因為媽咪佢帶左我去元朗既寵物樂園度玩呀. 你地大家睇下呢度既環境係咪好有大自然feel呢~ 上面果張相媽咪佢又影得我幾cute bor~ 果日雖然天氣好熱媽咪帶我去完草地仲帶左我去果度既泳池樹win明添呀

29個月既無毛mui

你地大家睇下我呢隻八厭mui, 佢又再一次霸左我張登諗住自己玩電腦喇 ~>.<~ 有樣野你地大家認真d睇下就係.........muimui個身d毛毛比我剪到好短呀~ 佢得番個大頭好攪笑不過佢剪短左真係好爽好涼快. 睇下佢呢個樣你地就知佢成日扮可愛係咁謀殺我. 你話我出門口返工又點會唔成日掛住佢丫~

28個月大比媽咪剪短左毛既muimui

呢張相係媽咪帶我去pet shop度剪短晒果身d毛毛影架. 果日一早媽咪就帶我去剪毛毛, 你地睇下我個身d毛毛係咪好短呢~ 媽咪佢幾錫我呀佢話怕我熱又怕我睇唔慣自己, 所以佢幫我留番個頭同條尾. 果日我一剪完毛毛返到屋企就即刻大覺訓你地睇下我果樣係咪好lum呢^^ 講樣野比你地知丫, 原來我剪短左d毛毛係咪爽架, 因為我呢2年都未試過好似今次咁剪到咁短~ 總之一句講晒......正呀@@

係soft底27個月大既我

今日唔知muimui做咩鬼, 我搵左佢好耐都唔見佢bor. 點知比我發現到佢係sofa底度訓晏覺, 咁我梗係唔會放過呢個機會又拎起部dc同muimui影底佢. 點知個8mui佢竟然醒左於是我就做左隻叭地熊叭左係地度同佢影左呢幅sofa底下既..........長毛mui 哈哈~

26個月好攪滑既小mui

你地睇下muimui呢個樣幾攪滑, 原來muimui佢......已經成26個月大喇bor~ 你地都唔知佢影呢幅相既時侯, 佢竟然跳左上我張登度仲霸埋我部腦添呀. 所以我咪激鬼氣拎住部dc同佢影相囉. 點知果8mui佢竟然擺出呢個咁攪滑既表情比我影, 你地睇下佢霸左我張登同部腦仲笑得出就知佢幾咁.........洩啦~

25個月既大頭....mui ^^

25個月大既muimui,  唔經唔覺muimui佢又成25個月大喇bor~ 你地睇下佢呢幅相嘩.....係咪好大個鼻同好大隻眼呢. 媽咪佢話佢最like我條脷仔架喇因為我條脷又紅又細條十足十條茶匙. 你地大家又睇下我條脷係咪真係好似茶匙呢, 你地睇完比d意見啦.

2歲生日 happy birthday to muimui

2005年4月9日呢日又係我小mui既一年一度生日既日子, 今日我好開心呀因為生日媽咪一定買芝士cake比我食, yeah yummy~~ 你地大家睇下我同媽咪呢幅合照我同媽咪既笑容係咪好一致呢~ muimui係呢度我想同我媽咪講聲 : 媽咪 i love you too~

23個月大~

你地大家睇下我幾百厭, 媽咪佢好衰架特登將我玩緊既狗狗放上去個窗台度bor. 你地知唔知媽咪佢影完呢幅相佢點話我呀, 佢話咩得你咁矮架muimui咁你都拎唔到. 我心諗不如你學下我咁睇下你又拎唔拎到丫. 不過我為左拎個公仔不識一切好想....好想跳高拎到, 不過最後媽咪都好好心, 佢肯拎番落黎比我玩. yeah媽咪萬歲

22個月好百厭既muimui

嘩.....呢張大頭相係咪好正呢~ 你地知唔知我幾百厭呀, 媽咪佢搵dc影我我竟然用2隻腳企係度攪攪震, 不過都算好彩起碼可以比媽咪捕捉到我呢個cute樣, 你地睇下我對眼係咪好大對呢~

21個月~~D毛長到好似毛公仔既我

各位朋友仔大家係咪好心急待我媽咪幫我寫blog呢~~~ 都唔知點解過得咁快轉眼間又到左21個月喇, 媽咪話bor 時間可以証明到一樣野, 你地睇下我d毛就知點解媽咪會咁講架喇. 因為係呢21個月黎我得到媽咪既悉心照顧每日同我梳毛2次, 每次半小時我先可以擁有一身咁靚同咁長既毛毛咋. 我有時真係好佩服我媽咪點解佢咁好心機比晒d時間我~ 不過唔駛媽咪講我都知啦因為我係媽咪心目中既寶貝^^